Үлестік қаржыландыру, әдетте, бизнестегі үлесті мемлекеттік емес (жеке) сатып алу арқылы жүзеге асырылады. Кейбір жағдайларда мәміле қор биржасының сауда жүйесінде орындалады.

Біз сізге келесідей көмек көрсете аламыз:

• Бизнесіңізді бағалау
• Инвесторлардың мақсатты тобын анықтау
• Ағымдағы нарықтық жағдайды ескере отырып, қаржыландыру нысаны мен орналастыру алаңын таңдауға көмектесу
• Әлеуетті инвесторлармен кездесулер ұйымдастыру (Road Show)
• Акцияны орналастыруды жүргізу.

Бизнесті сатып алу үдерісінде сатып алынған бизнесті қазір бар бизнеспен біріктіру барынша ауыртпалықсыз аяқталуы/өтуі үшін көптеген факторларды ескеру қажет. Мұны орындап шығуға кеңесші – мәміле ұйымдастырушысы көмектеседі.Бизнесті сатып алу үдерісі әдетте осылайша көрінеді:

• Сатып алу объектісін кешенді тексеру (Due Diligence);
• Мәміле шарттарын келісу;
• Мәмілеге рұқсаттар алу (монополияға қарсы орган, кредиторлар, серіктестер);
• Мәмілені жабу (есептеулер жүргізу).

«UD Capital» АҚ командасы M&A мәмілелерін бизнес сатушысы жағында да (sell side), сатып алушысы жағында да (buy side) ұйымдастыруға қатысты.

Облигацияларды орналастырудың сәттілігі көптеген факторларға байланысты: эмитенттің сенімділігі, шығарылымның дұрыс құрылымы, инвесторлардың мақсатты тобын таңдау, олармен байланыс, нарыққа шығу уақыты. Мәміленің кеңесшілері мен ұйымдастырушылары осы факторлардың барлығын ескеруге көмектеседі.

Әдетте, облигациялық қарызды ұйымдастыру үдерісі келесі кезеңдерді қамтиды:

• Эмитентті кешенді тексеру;
• Ағымдағы нарық жағдайын ескере отырып, шығарылымның параметрлерін анықтау;
• Биржадағы листинг (KASE/AIX);
• Әлеуетті инвесторлармен кездесулер (Road Show);
• Облигацияларды орналастыру.

«UD Capital» АҚ командасы ондаған облигациялық қарыздарды, оның ішінде еурооблигацияларды сәтті орналастыруға көмектесті.